دراما عائلية على العلن.. زوجة شريف منير وابنتيه يخوضون شجاراً على انستغرام!

كشفت الفنانة لورا عماد، زوجة النجم شريف منير عن وجود أزمة عائلية متصاعدة، بعدما وجهت رسالة قاسية لابنتيها فريدة وكاميليا، تعاتبهما على قرار تركها والانضمام لعائلة جديدة في أول تلميح لانفصالها عن منير بعد زواج استمر 20 عاماً، والمفاجأة في ردود الابنتين على الرسالة.

لورا نشرت عبر حسابها بموقع إنستغرام مقطع فيديو يجمع ابنتيها مع والدهما وهم يتناولون الطعام في أحد المطاعم، وعلّقت قائلة: رسالة إلى ابنتيّ (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!” بقولكم مبروك عليكم عيلتكم الجديدة.

وتابعت زوجة شريف منير قائلة: “و حقولكم حاجة واحدة بس! اللي مالوش خير في أمه ملوش خير في حد!! بتمنالكم كل خير وصحة وإن ربنا يهديكم في يوم من الأيام!! بس ربنا موجود و كبير قادر على اللي عمل فيكم كده أنه يرده ليه في يوم من الأيام!!! مامي لورا يمكن تكونوا نسيتوا اسمي”.

وعلقت فريدة ابنة شريف منير، على رسالة والدتها، قائلة: ليه بتعملي كده؟ ليه بتخلي شكلنا كده قدام الناس؟، لترد عليها والدتها لورا عماد قائلة: إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر.

أما عن كاميليا، فأنكرت ما قالته والدتها في رسالة العتاب، حيث علقت على الرسالة قائلة: عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده، وردت عليها والدتها قائلة: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم.