أزمة باسم سمرة ورحاب الجمل ..النقابة تفصل كليهما وتصالحهما

قررت نقابة المهن التمثيلية المصرية توقيف الممثلين باسم سمرة ورحاب الجمل بسبب مخالفتهما لقوانين النقابة وتراشق الاتهامات على السوشيال ميديا.

على خلفية اتهامه ” بالسكران ” ورده عليها بالتهديد والوعيد قام نقيب النقابة أشرف زكي بفصل الممثلين وإحالتهما للتحقيق .

هذا وقال زكي في تصريحات للإعلامي عمرو أديب في برنامجه “الحكاية”: أصدرت قرارًا بإيقاف باسم سمرة ورحاب الجمل، وعليه هما ممنوعان من مزاولة المهنة في مصر وخارجها.

تفاصيل الأزمة وتصريحات رحاب الجمل

الأزمة بدأت عندما نشرت رحاب الجمل، تدوينة عبر حسابها على موقع الفيس بوك قالت فيها:”الممثل السكران. لما تبقى سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.

أنت بقى تعتبر إن ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي اتدخلت في الموضوع ويسامحك برضو تعتبره حق مكتسب.

تابعت: لكن تدخل بالأمس بروفة فيلم وإنت سكران وعايز كمان تلف حشيش، ولما نعترض تشتم وتهين زمايلك وتغلط وتتلفظ بأقذر وأسفل الشتائم قدام الأغراب في مكان عام.

دي ماتتسامحش عليها لازم تتعاقب وبالقانون لأن ده قلة أدب وقلة مهنية. والمرة دي البلاغ للنائب العام علشان أرفع الحرج عن أي زميل أو زميلة في طلب المشاركة في البلاغ أو الشهادة يكفي تفريغ الكاميرات.. مع هاشتاق أنا هاربيك.”

ثم قامت الجمل بحذف المنشور بناءً على طلب نقيب النقابة أشرف زكي ونشرت :”كل الشكر والتقدير لنقابتي نقابة المهن

التمثيلية .. شكرا دكتور أشرف زكي لاهتمامك ولحرصك على مصلحة الفن والفنانين.

ولعمل اللازم والتحقيق في واقعة أمس من مشادة وإساءة زميل لي ولزملائي .. وأنا أثق في نقابتي أنها ستتخذ اللازم وتحويل الموضوع للتحقيق”

تفاصيل الأزمة ورد باسم سمرة

وأعلن أشرف زكي إحالة الملف برمته للجنة تحقيق على أن يلتزم الطرفان الصمت، ولكن الفنان باسم سمرة قام بمداخلة

للتعليق على الواقعة قال فيها:” الموضوع اتفه من كده وابسط من كده.

الفنانة اللى قالت الكلام ده كان عندها سفر قبل يوم 14 وعاوزة تخلص الفيلم.. وبحاول اقولها استنى شوية يومين 3 وبعد كده سافرى.

لان فيه تظبيط في الفيلم وكده وقالت بعد كده خلاص بعتذر.. وقلت للمخرج خلاص نجيب واحدة تانية.”

كما وأضاف خلال مداخلة هاتفية مع الإعلامى عمرو أديب:” كان عندى مسلسل معرفش مين فيه الأبطال الأساسين وكانت طالبة فلوس زيادة ومشوها.

والبنت افتكرت إن أنا مشيتها من الفيلم والمسلسل، أنا مش عاوز اطلع دور البرئ اللى هيغلط هظبطه يعنى.. الحكاية كنا قاعدين في فندق شهير ومفيش الكلام ده.”

وتدخلت رحاب الجمل للتعليق على تصريحات باسم سمرة وقالت عبر نفس البرنامج إنها ستلجأ للقضاء وسترد على كل تصريحات وبيانات باسم سمرة بشكل قانوني.

 مؤكدة أنها تلقت العديد من التهديدات بأنه سيقوم بإرسال بلطجية لها، حسب قولها.

جلسة الصلح بين باسم سمرة ورحاب الجمل برعاية النقابة

صرح أشرف زكي بأنه عاد من جنازة الفنان الراحل هادي الجيار ليجد الممثلين في بيته ليعتذرا عن ما بدر منهما .

إذ قال زكي :”الاثنين جاءا معا، وقالوا لي إحنا حضرنا نصالحك ونعتذر لك، ودي لحظة غلط ولحظة شيطان.

وإحنا غلطنا، ونرجو من النقابة تقبل اعتذارنا واحنا حبايب، وقلت لباسم ورحاب أنا رافض بشكل قاطع اللى حصل.

وإننا نعمل في بعض كدة، وكمان على السوشيال ميدا.. ممكن نختلف لكن في بيت اسمه النقابة نلجأ له، والإثنين أبدوا شديد الأسف.”