مازالت حالة الردود المتبادلة مستمرة بين حلا شيحا وباقي الأطراف سواء تامر حسني أو نقابة المهن التمثيلية أو الشركة المنتجة لفيلم “مش أنا” المعروض حاليا في السينمات ويقوم ببطولته تامر حسني وحلا شيحة.
وآخر المستجدات كانت للشركة المنتجة للفيلم التي أعلنت عن مقاضاة حلا شيحة: “توضيح من الشركه المنتجه لفيلم مش أنا ، عن ما ذكرته الفنانه حلا شيحا بخصوص باقي مستحقاتها الماديه استاذه حلا شيحة ما يتبقى من مستحقاتك دفعة الدوبلاچ الذي امتنعتي عنه و هي اقل دفعه ماديه لكي و محفوظ لكي داخل الشركه و تحدثنا معكم اكثر من مره لإستلامهم او ارسال مفوض من طرفكم لإستلامهم و ذلك رغم امتناعك عن الدوبلاچ و تصوير الآفيش و رفضنا التام لمقاضاتك قانونياً لإمتناعك عنهم و لكن الشركه من الآن ستتوجه بجميع الإجراءات القانونيه مستشهده ببنود العقد المبرم . و شكراً”.
رد حلا شيحا على صناع مش أنا
وكانت حلا قد نشرت على انستغرام :” حابة أشكر كل الناس الجميلة علي رسايلهم الجميلة المشجعة.. 😊
وحابة أشكر كل الصحافة اللي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل و الفن عموما زي اي مهنة في الدنيا حلاله حلال وحرامه حرام.. وأنا لا أحب ان اكون جزء من اي نوع من التطرف سواء باسم الدين او باسم الفن.. ولو نقابة المهن التمثيلية ترفض موقف دار الافتاء الواضح فهنيئا لي بشطبها لعضويتي.
حبي للفن محدش يقدر ينكره ولا يزايد عليه.. انا ماتكلمتش غير عن نفسي وبقدر كل زمايلي.. الزميل الوحيد اللي ذكرته هو اللي الموضوع اصلا متعلق بيه.. وعتابي ليه لحسن ظني بيه.. والعتاب في الملأ عشان الكليب في الملأ.
بالنسبة للأجر
وبالنسبة للكلام غير اللائق عن الأجر.. كل اللي في المجال شاهدين اني كنت اعتذر عن عدد كبير من الاعمال الفنية وكنت بقبل اجور اقل مما يتناسب معي تعاونا مع صناع العمل ( مش أنا ).. واصلا ما استلمتش الجزء الأخير من أجري في الفيلم لما أتأخر نزوله جدا و بدأت اتغير وأصلّح.. لأن بصراحة الكلام عن (أجر كبير) ضحكني.
انا فنانة بطبعي ومن صغري وكل اللي يعرفوني عارفين حبي للفن.. ودايما هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا.. انا لا اهاجم احد و لا احارب احد و لا انا افضل من احد و لا انصح احد قبل ما انصح نفسي اولاً و كلنا نخطئ مفيش حد معصوم من الخطأ …
و بتمني الخير دايماً لكل الناس بما فيهم كل زمايلي و صناع العمل.
