طرح تامر حسني أغنية “بحبك” من فيلم “مش أنا” على قناته على يوتيوب، في الفيديو تظهر فيه حلا شيحة وهو عبارة عن مشاهد من الفيلم، والذي يعتبر العمل السينمائي الأول لها بعد الاعتزال وقبل زواجها من معز مسعود، إلا أن طرح الكليب أغضب حلا.
فكتبت بوست طويل على صفحتها في الإنستغرام جاء فيه: “انا اتفاجئت جداً بنزول كليب يجمع فيه مشاهد متفرقة من الفيلم وفي ايام ذي الحجة أيام مباركة وخصوصاً بعد آخر بوست نزلته ووضحت فيه انا ايه. واتفاجئت أكتر خصوصاً بعد وعد تامر حسني ليا وتأكيده انه حيحترم رغبتي وبعض الطلبات اللي طلبتها منه بكل احترام وود الصيف اللي فات وأكدلي انه حيحترم رغبتي”.
وأضافت “احنا يمكن نجحنا بمقايس الدنيا بس صدقوني بمقايس ربنا احنا لم ولن ننجح أنا عارفة ومتأكدة ان زملائي جواهم خير بس للآسف فتنة الشهرة والنجاح مش بتخلينا نشوف ونقيس الامور صح”.
وتابعت: “بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها و كلنا بنغلط ولازم نغلط علشان احنا بشر بس المصيبة اننا بنغفل و بننسى. انا مش حتكسف من حد انا تبت من المشاهد دي وهي لا تصح وانا غلطت وبصلح وأهم حاجة ان ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلاً علشان النجاح الحقيقي حاجة تانية خالص احنا اغلبنا ناسينها الا القليلين منا”.
واعتبرت أن في حال كان الفن يبعدها عن الله فهو باطل، وكتبت “الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.
حلا شيحة تذكر تامر حسني بالموت
وأشارت في البوست إلى مقابلة كان تحدث فيه تامر حسني في بداياته وشاركت الفيديو الذي قال فيه “مش بتمنى أموت وأنا مطرب أنا خايف من كده.. مش علشان بعمل حاجة غلط، بس مش حاسه آخر الأحلام”، وعلقت على ذلك بالقول “احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايماً خايف من كده.. كلام أكيد قولته في لحظة صدق جواك وجوانا كلنا”.
وتابعت: “شوفه تاني يمكن يفكرك ان جواك أكيد في صراع وأنا وكلنا.. كلنا بنغلط بس المهم في الآخر نتدارك الغلط ونصلح”، وأرفقت تعليقها بآية قرآنية، كما أقفلت خاصية التعليقات على البوست.
وكانت حلا شيحة قد شاركت في يونيو الماضي صورة مع زوجها معز مسعود، وعلقت على الصورة بأن فيلم “مش أنا” الذي تم تصويره منذ أكثر من سنة ونصف، لم يعد يمثلها، وهي “فعلاً مش أنا” في الفيلم.
